Óskemen qalasynda ekiqabatty jataqhana qirady, dep habarlaidy "Ult aqparat".
ShQO tótenshe jaǵdailar departamenti baspasóz qyzmetiniń málimetine súiensek, qutqarýshylarǵa Tynyshpaev kóshesindegi 1950 jyly salynǵan jataqhananyń tóbe jabyndysy qulaǵany týraly habar túsken.
«Oqiǵa ornyna jedel jetken qutqarýshylar 2 turǵyndy evakýatsiialady. 10 azamat sol jerden óz betimen shyǵyp úlgergen. Kinologiialyq qyzmet ókilderi Alesia laqapatty ittiń kómegimen jataqhanada zardap shekkenderdiń bar-joǵyn muqiiat tekserdi», - dep habarlady vedomstvo ókilderi.
Belgili bolǵandai, qaza bolǵandar men zardap shekkender joq. Tóbe jabyndysynyń qulaǵan aýmaǵy shamamen 8 sharshy metrdi quraǵan.
Aldyn ala málimet boiynsha, úide 50 adam turady.
Qazirgi ýaqytta oqiǵa ornyn politsiia qyzmetkerleri qorshap tastady.
Sol jerde komissiia músheleri jumys isteýde.
