Shyǵys Qazaqstan oblysyndaǵy «Óskemen-Altai» tasjolynda jartas opyrylyp qulady, dep habarlaidy "Ult aqparat".
27 maýsym kúni áleýmettik jelilerde «Óskemen-Altai» tasjolynda jartastyń opyrylyp túskeni jaily video taraǵan bolatyn. Joldyń jarty bóligi jabylyp qalǵandyqtan, kólikter qarsy baǵytqa shyǵyp júrýge májbúr boldy.
Qazirgi ýaqytta «QazAvtoJol» mekemesiniń qyzmetkerleri atalǵan joldy tazartqan.
«Respýblikalyq mańyzy bar «Óskemen-Altai-Úlken Naryn-Katonqaraǵai» tasjolynyń 21 shaqyrymynda jartas opyrylyp, kólik qozǵalysyna kedergi keltirgen. Osyǵan orai mamandar oqiǵa ornyna baryp joldy tazartty. Zardap shekkender joq. Osy rette, kólik júrgizýshilerin barynsha abai bolýǵa shaqyramyz!», - delingen «Qazavtojol» JShS ShQOF málimetinde.
