Ortalyq Aziia elderi sý jinaý limitterin jáne Naryn-Syrdariia sý qoimalarynyń vegetatsiialyq kezeńge arnalǵan jumys rejimin bekitti, dep habarlaidy "Ult aqparat".
Beinekonferentsiia formatynda Memleketaralyq sý sharýashylyǵy úilestirý komissiiasynyń 80-shi otyrysy ótti.
Otyrys Tájikstan Respýblikasy Energetika jáne sý resýrstary ministriniń birinshi orynbasary Djamshed Shoimzodtyń tóraǵalyq etýimen ótti.
Qazaqstandyq delegatsiiany Ekologiia, geologiia jáne tabiǵi resýrstar vitse-ministri Serik Qojaniiazov basqardy.
Ózbekstan Respýblikasynan Sý sharýashylyǵy ministri Shavkat Hamraev, Túrkimenstan Respýblikasynan Sý resýrstary memlekettik komitetiniń birinshi orynbasary Dovletmýrad Mammedov qatysty.
Kezdesý barysynda 2020-2021 jyldardaǵy vegetatsiiaaralyq kezeńniń qorytyndylary qaraldy, sondai-aq elderdiń sý tartý limitteri bekitildi jáne 2021 jylǵy vegetatsiialyq kezeńge arnalǵan Naryn-Syrdariia sý qoimalary kaskadynyń jumys rejimderi qaraldy.
Sonymen qatar, Ortalyq Aziianyń Memleketaralyq sý sharýashylyǵy úilestirý komissiiasynyń ǵylymi-aqparattyq ortalyǵy Túrkmenbashy qalasynda ótken HAQQ quryltaishy memleketteri basshylarynyń sammitinde aitylǵan usynystar men bastamalardy oryndaý úshin júrgizilip jatqan jumystardyń barysy týraly baiandady.
Taraptar HQKK jumysy sheńberinde ózara qurmet jáne tatý kórshilik qaǵidattary negizinde jan-jaqty yntymaqtastyqty nyǵaita túsedi.
