Foto: sputnik.kz
Jalǵan bilet alyp, Orda tobynyń keshine kire almaǵan astanalyqtar politsiiaǵa aryzdandy, dep habarlady Astana qalasy PD baspasóz qyzmeti.
Jábirlenýshiler aldanǵanyn kontsertke kire almaǵan kezde bir-aq bilgen. Sol siiaqty qalanyń keibir turǵyndary tanymal reseilik ánshini kórý úshin de jalǵan QR kodtar alǵan. Bilet quny – 10 myńnan 20 myń teńgege deiin.
"Jalpy shyǵyn somasy shamamen 200 myń teńgeni quraidy. Jedel-izdestirý is-sharalaryn ótkizý aiasynda Almaty aýdanynyń kriminaldyq politsiia bóliminiń qyzmetkerleri 18 jastaǵy azamatty anyqtady", - dep jazylǵan habarlamada.
Jigit instagram-da jalǵan akkaýnt quryp, tanymal ánshilerdiń kontsertine joq biletterdi usynǵan.
Jedel qyzmetkerler kúdiktini jábirlenýshiler aqsha jibergen banktik shoty arqyly anyqtai aldy. Jas jigit kinásin moiyndady.
Tergeý barysynda kúdiktiniń taǵy da osyǵan uqsas 11 epizodqa qatysy bar ekeni anyqtaldy.
