Aqtóbe oblysynyń ákimi Ońdasyn Orazalin óńirdegi kartop pen sábizdiń baǵasy týraly málimet berdi, dep habarlaidy "Ult aqparat".
Ortalyq kommýnikatsiialar qyzmetinde Aqtóbe oblysynyń ákimine kartop pen sábizdiń baǵasy óńirde qansha ekeni týraly suraq qoiyldy.
«Tiisti kezeńde bazarlar men saýda oryndaryn ýaqtyly aralaimyz. Sondyqtan baǵasyn men bilmeidi emes, bilemin. Sebebi áleýmettik mańyzy bar degesin, oǵan da biz yqpal etýimiz kerek. Shynymen qyzyǵýshylyq tanytyp otyrsańyz, sábizdiń baǵasy bizde birneshe saýda oryndarynda ártúrli. Bir qyzyqtyratyn jaǵdai, ortalyq bazarlarda baǵa saýda oryndaryna qaraǵanda joǵary bolyp tur. Sábiz qazir 450 men 600 teńgeniń arasynda. Al kartop baǵasynyń sál tómendegeni bar. Qazir 250-300 teńge arasynda», - dedi Ońdasyn Orazalin.
