Qazaqstan musylmandary dini basqarmasy respýblika aimaqtaryna arnalǵan oraza aiynyń kestesin jariialady.
2021 jylǵy Ramazan aiy 13 sáýirde bastalyp, 12 mamyrda aiaqtalady.
Biylǵy pitir sadaqa mólsheri 420 teńge dep belgilendi. Sadaqanyń mólsheri eki kilogramm unnyń ortasha baǵasymen esepteledi. Al unnyń baǵasy Qazaqstan musylmandary dini basqarmanyń qalalyq jáne oblystyq ókildikteri usynǵan aqparat negizinde anyqtaldy, dep habarlady múftiiattyń resmi saity.
Aita keteiik, Qasietti Ramazan aiynda oraza ustaý – islam dinindegi bes paryzdyń biri.
Qadir túni qashan?
Láilátúl-Qadir nemese Qadir túni 2021 jyldyń 8 mamyrynan 9 mamyryna qaraǵan túnge sai keledi.
Qadir túni qarsańynda adamdar tán tazalyǵymen qatar (ǵusyl alyp), jan tazalyǵyna da den qoiady. Sana men júrekti jaǵymsyz oilardan aryltyp, izgi amaldar jasaidy.
Oraza ait qai kúni bastalady?
Úsh kúnge sozylatyn oraza aittyń birinshi kúni 13 mamyrǵa sai keledi. Oraza ait meiramy kúlli musylmandar qaýymy úshin qasietti kún sanalady jáne bul Ramazan aiynyń aiaqtalǵanyn bildiredi.
