Oralda turǵyn úi órtenip, kúiik shalǵan úsh adam aýrýhanaǵa tústi, dep habarlaidy "Ult aqparat".
BQO TJ departamentiniń baspasóz qyzmetinen túsken málimetke qaraǵanda, oqiǵa 4 shilde kúni saǵat 01.36-da Sportivnaia kóshesi 5-mekenjaiynda boldy.
Bir qabatty tórt páterlik úidiń tóbesi (aýmaǵy - 100 sharshy metr) órtenip, opyrylyp túsken. Sosyn jalyn 60 sharshy metr qabyrǵany sharpyǵan. Úidiń jalpy alańy - 180 sharshy metr.
Órt sóndirýshiler kelgenge deiin 31 jastaǵy úi iesi (denesin 30 paiyz birinshi dárejeli kúiik shalǵan, jaǵdaiy aýyr), 32 jastaǵy áieli (15-20 paiyz, ekinshi dárejeli kúiik, hali ortasha), olardyń biyl týǵan qyzy (15 paiyz, 2-3 dárejeli kúiik, jaǵdaiy ortasha) aýrýhanaǵa jatqyzyldy.
«Tilsiz jaý» saǵat 03.52-de aýyzdyqtaldy.
Qazirgi kezde órttiń shyǵý sebebi anyqtalý ústinde.
Oqiǵa ornyna TJ departamentinen 16 qyzmetker, 5 tehnika, Oral qalasy politsiia basqarmasynan jedel tergeý toby (5 qyzmetker, 1 tehnika) bardy.
Eske sala keteiik, budan buryn Oralda lift shahtasyna qulap ketken er adamnyń qútqarylǵanyn jazǵan bolatynbyz.
Sondai-aq BQO-da segiz jasar bala sýǵa batyp ketti.
