Oralda tórt jasar qyz bala tórtinshi qabat terezesinen qulap ketti, dep habarlaidy "Ult aqparat".
BQO TJ departamentiniń baspasóz qyzmetinen túsken málimetke qaraǵanda, oqiǵa búgin saǵat 18.04-te Almaty kóshesi 109/1-mekenjaiynda ornalasqan 5 qabatty úide boldy.
Ata-anasynyń qaraýynsyz qalyp, tórtinshi qabattan qulaǵan 2017 jylǵy qyz aýrýhanaǵa jatqyzyldy. Jaǵdaiy ortasha aýyr.
Aldyn ala málimetke qaraǵanda, jabyq bas-mi jaraqatyn alyp, miy shaiqalǵan. Murny synyp, ishinen de jaraqat alǵan.
Osymen óńirde jyl basynan beri alty bala terezeden qulap, bireýi kóz jumdy.
Oblystyq densaýlyq saqtaý basqarmasynyń naqtylaýynsha, jedel járdem saǵat 18.04-te shaqyrtylyp, brigada bes minýttan keiin jetti. O qiǵanyń jai-japsary anyqtalý ústinde.
Qazirgi kezde oblystyq kópbeiindi balalar aýrýhanasynyń travmatologiia bólimshesinde jatqan qyzdyń jaǵdaiy turaqty.
