Oralda káriz-sorǵy stansasyndaǵy apat saldarynan birneshe shaǵynaýdan sýsyz qaldy, dep habarlaidy "Ult aqparat".
BQO TJ departamentiniń baspasóz qyzmeti málim etkenindei, 16 maýsym kúni saǵat 02.00-de Derkól kentindegi №19A káriz-sorǵy stansasynda nasos jabdyǵy isten shyqty.
Saǵat 03.00-den bastap Jańa orda, Astana, Qadyr Myrza Áli shaǵynaýdandaryna sý berý ýaqytsha toqtatyldy.
Qazirgi kezde «Batys sý arnasy» JShS (6 qyzmetker, 3 tehnika) jóndeý-qalpyna keltirý jumystaryn júrgizýde.
Oral qalasy ákimdigi qalpyna keltirý jumystarymen qatar assenizatorlyq mashinalardyń kómegimen №17A, №18A káriz-sorǵy stansalarynda aǵyn sýlar sorylyp jatqanyn jetkizdi.
Sýsyz qalǵan 9-shaǵynaýdan (Jańa orda), 7-shaǵynaýdan (Astana) jáne 5-shaǵynaýdanǵa (Qadyr Myrza Áli) sýdy tasymaldaý uiymdastyryldy.
