Oralda poiyz er adamdy qaǵyp ketti, dep habarlaidy "Ult aqparat".
BQO densaýlyq saqtaý basqarmasynyń baspasóz hatshysy Ainagúl Saqposynovanyń málim etkenindei, búgin túngi saǵat 01.56-da jedel járdemge qońyraý shalynyp, Derkól aýylynda er adamdy poiyz qaǵyp ketkeni jóninde habar túsken.
«Oqiǵa ornynan orta jastaǵy er adam oblystyq kópbeiindi aýrýhanaǵa jetkizildi. Ol oqiǵa saldarynan eki aiaǵynan aiyryldy. Qazirgi kezde jaǵdaiy aýyr, jansaqtaý bóliminde», dedi A.Saqposynova.
QR IIM Kóliktegi politsiia departamenti baspasóz qyzmetiniń naqtylaýynsha, oqiǵa «Taýarly Kardon» ainalymynda boldy. Atalǵan derek QR QK 344-baby 1-bóligi, iaǵni temirjol kóligi qozǵalysynyń qaýipsizdik qaǵidalaryn buzý boiynsha Oral stantsiiasyndaǵy jelilik politsiia bóliminiń sotqa deiingi tergep-tekserýdiń biryńǵai tiziliminde tirkeldi. Qazir tergeý amaldary júrgizilýde. Bul is boiynsha basqa aqparat QR Qylmystyq is júrgizý kodeksiniń 201-baby talaptaryna sáikes tergeý múddesine orai jariialaýǵa jatpaidy.
