Oralda nóser jaýynnan keiin 7 jeke turǵyn úige sý kirdi, dep habarlaidy "Ult aqparat".
BQO TJ departamentiniń baspasóz qyzmeti málim etkenindei, 3 maýsym kúngi saǵat 21.00-den búgin tańǵy saǵat 07.00-ge deiin oǵan qosa 40-tan astam turǵyn úidiń aýla aýmaǵyn, 7 áleýmettik nysannyń jertólesin sý aldy.
Búgin saǵat 09.00-ge deiin TJ departamenti jáne jergilikti atqarýshy organnyń kúshimen 2045 tekshe metr sý soryldy.
125 qyzmetker 45 tehnika, 17 motopompamen jumys jasaýda.
Búgin saǵat 02.00-de «Batys sý arnasy» JShS №3 káriz-sorǵy stansasynda apatty jaǵdai oryn alyp, saǵat 03.00-den bastap Oral qalasynda salqyn sý berý toqtatyldy.
Atalmysh mekemeniń brigadasy jóndeý-qalpyna keltirý jumystaryn atqaryp, qazirgi kezde sý berildi.
Sonymen qatar keshe keshten bastap jaýǵan jańbyrdyń saldarynan qalanyń biraz bóligi elektr jaryǵynsyz qaldy.
«Búgin de «Qazgidromet» RMK málimetine sáikes Batys Qazaqstan oblysynyń kei jerlerinde naizaǵai oinap, burshaq jaýyp, shańdy daýyl kóteriledi. Soltústik-shyǵystan soǵatyn jeldiń jyldamdyǵy kei jerlerde sekýndyna 15-20 metrge jetýi yqtimal. Qalyptasqan
jaǵdaiǵa bailanysty BQO TJ departamentinde jedel shtab quryldy. Shuǵyl kómek kútken turǵyndardyń 8-711-2-55-40- 88 telefonyna qońyraý shalýyna bolady», dep habarlady vedomstvodan.
