Oralda kópqabatty úide órt shyǵyp, 40-qa jýyq adam evakýatsiialandy, dep habarlaidy "Ult aqparat".
BQO TJ departamentiniń baspasóz qyzmeti málim etkenindei, oqiǵa 5 maýsym kúni saǵat 03.49-da Rýjeinikov kóshesi 9-mekenjaida ornalasqan bes qabatty úide boldy.
Ekinshi qabattaǵy №35, №38, №39 páterler jandy.
Oqiǵa ornynan TJ departamentiniń kúshimen 5 adam qutqaryldy. Oǵan qosa 39 adam evakýatsiialansa, sonyń 19-y – bala. Oqys oqiǵadan eshkim zardap shekpedi.
«Tilsiz jaý» saǵat 05.10-da tolyqtai aýyzdyqtaldy. Ony sóndirýge 35 qyzmetker 12 tehnika jumyldyryldy.
Qazirgi kezde órttiń shyǵý sebebi, keltirilgen shyǵyn anyqtalyp jatyr.
