Oralda jańa patologoanatomiialyq biýro salynady. Qurylys-montaj jumystarynyń jalpy quny 1,2 milliard teńgege baǵalanǵan. Jańa ǵimaratta fitnes-zaly men psihologiialyq kómek bólmesin úi kinoteatrymen jabdyqtaý josparlanǵan, - dep habarlaidy Tengrinews.kz.
Qurylys basqarmasynyń málimeti boiynsha, biýro jalpy aýdany 3,5 myń sharshy metrden asatyn eki qabatty ǵimaratta ornalasady. Máiithana zerthana, ákimshilik korpýs, qazaq tili kabineti jáne úi kinoteatry bar psihologiialyq jeńildetý bólmesimen jabdyqtalady.
"Jobanyń jalpy quny - 1,2 milliard teńge. Jobalyq-smetalyq qujattama 2017 jyly ázirlendi. Qurylys merdigeri - "Altair" JShS. Biraq aqsha áli bólingen joq. Patologoanatomiialyq biýronyń eski ǵimaraty standarttarǵa sáikes kelmeidi. Aýdany 33 sharshy metr bolatyn fitnes-zaly qyzmetkerlerge arnalǵan. Quny 90 myń teńgege deiingi dybys ulǵaitqyshtary bar qarapaiym úi kinoteatry ornatylady", - dedi BQO qurylys basqarmasy basshysynyń orynbasary Nurken Moldashev.
Qazirgi ýaqytta patologoanatomiialyq biýro oblystyq kópbeiindi aýrýhana aýmaǵynda jumys isteidi. Ǵimarat 1967 jyly salynǵan.
"Biýro oblystyq aýrýhanaǵa qyzmet kórsetýge arnalǵan, onda 400 tósek-oryn bar. Qazir 15 statsionarǵa qyzmet kórsetemiz, olarda 3270 tósek-oryn bar. Ǵimarat 100 paiyzǵa tozǵan. Gistologiialyq zerthana, himiialyq reagentterdi saqtaýǵa arnalǵan qoima, turmystyq tehnikaǵa arnalǵan bólme joq. Qyzmetkerler pandemiia kezindegi jumys barysynda kúizeliske ushyraidy. Onda psihologiialyq dem alý bólmesi joq", - dedi Oblystyq patologoanatomiialyq biýro direktorynyń mindetin atqarýshy Natalia Shaposhnikova.
