Batys Qazaqstan oblysynda áiel zorlady degen kúdikpen eki turǵyn ustaldy, dep habarlaidy "Ult aqparat".
BQO politsiia departamentiniń resmi ókili Bolatbek Belgibekovtiń málim etkenindei, oqiǵa Oralda saiajailardyń biriniń mańyndaǵy ormanda bolǵan.
Keshki ýaqytta L. esimdi 1989 jylǵy áiel sol tustan ótip bara jatqan kezde araq iship otyrǵan eki turǵynnyń biri ony baiqap qalǵan.
Sodan keiin ony qýyp jetip, tamaǵynan ustap, ormanǵa kirgizip, zorlaǵan. Sosyn kúsh kórsetip, araq ishkizgen.
Eger politsiiaǵa shaǵymdanatyn bolsa, kek alamyz dep qorqytqan.
Zorlyqshylardan qashyp qutylǵan áiel úiine barǵannan keiin túngi saǵat 01.00-ge taman politsiiaǵa júgingen.
Jedel tergeý toby oqiǵa ornyna jetip, qaraǵannan keiin úsh saǵat ótken soń kúdiktiler qalada qolǵa tústi.
Olar kópqabatty úidiń aýlasynda araq ishýin jalǵastyrǵan.
«Qazirgi kezde tergeý izoliatorynda otyrǵan Bórli aýdanynyń 1988 jylǵy I. jáne Oral qalasynyń 1975 jylǵy Y. degen turǵynyna qatysty QR QK 120-baby 2-bóligine sáikes (zorlaý) tergeý amaldary júrgizilýde. Ekeýi de buryn urlyq jasap, kisi tonaǵany úshin sottalǵan», dedi Belgibekov.
