Oralda eki kóliktiń soqtyǵysqan sáti beinebaqylaý kamerasyna túsip qaldy.
Jol apaty 14 shilde keshke Jáńgir han kóshesinde ornalasqan saýda úiiniń aldynda boldy, dep habarlaidy Sputnik agenttigi "Moi gorod" portalyna silteme jasap.
Meditsina kolledjine qarai bara jatqan "Honda" saýda úiine burylǵan "Folksvagen Polo"-men soqtyǵysqan. Qatty soqqydan ekinshi kólik jol jieginde turǵan jaiaý júrginshini qaǵyp ketti.
Belgili bolǵandai, jedel járdem apat ornynan bir adamdy aýrýhanaǵa áketken.
Shaqyrý saǵat 20.39-da tústi, dárigerler oqiǵa ornyna bes minýtta jetti.
"1987 jylǵy er adam moinyn aýyrtyp aldy. Aýrýhanaǵa barýdan bas tartty. Al 1975 jylǵy er adam bas súiek-mi jaraqatyn aldy, miy shaiqaldy, keýdesi men aiaǵyna zaqym keldi. Ol oblystyq kópbeiindi aýrýhanaǵa jetkizildi", - dedi BQO densaýlyq saqtaý basqarmasynyń baspasóz qyzmetindegiler.
Oqiǵanyń mán-jaiy anyqtalýda.
