Oralda avtokólik áiel adamdy qaǵyp ketti, dep habarlaidy "Ult aqparat"
BQO densaýlyq saqtaý basqarmasynyń baspasóz qyzmeti málim etkenindei, oqiǵa búgin Ábilqaiyr han dańǵylynda boldy.
«Avtokólik shamamen jasy 50-degi áiel adamdy qaǵyp ketken. Jedel járdemge saǵat 12.04-te qońyraý shalyndy. Brigada bes minýttan keiin oqiǵa ornyna jetti. Biraq áiel adam alǵan jaraqattary saldarynan sol boida qaitys bolyp ketken», dep habarlady vedomstvodan.
Qazirgi kezde oqiǵanyń jai-japsary anyqtalý ústinde.
