Oralda aýrýhanada jatqan 65 jastaǵy er adam úshinshi qabattan sekirip ketken, dep habarlaidy "Ult aqparat".
BQO densaýlyq saqtaý basqarmasynyń baspasóz qyzmeti málim etkendei, oqiǵa 22 maýsym kúni tańda boldy.
«65 jastaǵy er adam arterialdy gipertenziia diagnozymen 20 maýsym kúni qalalyq kópbeiindi aýrýhanaǵa túsken. 21 maýsym kúni aýrýhanadan shyǵýǵa suranǵan, biraq zaiyby qalǵanyn jón dep sanaǵan. Dárigerler er adamnyń aýrýhanaǵa túsken kezde kóńil kúiiniń túsińki, qapaly ekenin ańǵarǵan. Sol sebepti psihologtyń keńesine júginý kerek dep tapqan. Anyqtalǵandai, ol jarty jyl buryn balasynan aiyrylyp, sodan aiyǵa almaǵan. 22 maýsym kúni tańerteń 06.30-da dárigerler qan qysymyn ólshep, qaraǵannan keiin palatada qalǵan. Úshinshi qabattan sekirip ketken ony saǵat 06.57-de sanitar tapqan. Dereý maman dárigerler brigadasy (hirýrg, travmatolog jáne basqalar) shaqyrylyp, emdelýshi jansaqtaý bólimine jetkizilgen. Dárigerler eki saǵat boiy onyń ómiri úshin kúreskenimen, ajalǵa qarsy tura almady. Áieline habar berilip, politsiia shaqyrtyldy», dep habarlady vedomstvodan.
BQO politsiia departamentiniń baspasóz qyzmeti oqiǵanyń mán-jaiy anyqtalyp jatqanyn, QR QK 105-babyna (ózin-ózi óltirýge deiin jetkizý) sáikes qylmystyq is qozǵalyp, tergeý amaldary júrgizilip jatqanyn málimdedi.
