Oral qalasynda qubyr jarylyp, 350- ge jýyq abonent sýsyz qaldy, dep habarlaidy "Ult aqparat".
«Batys sý arnasy» JShS málim etkenindei, 30 maýsym kúni saǵat 20.00-de Sh.Aitaliev pen Almaty kósheleriniń qiylysynda sý qubyry jaryldy.
Qudyqtar men jeke turǵyn úilerdiń aýlalarynan sý sorǵyzyldy.
«Qazirgi tańda 350-ge jýyq abonent sýsyz qalyp otyr. Turǵyndarǵa sý jetkizý jumystary uiymdastyryldy. Shamamen 1 shilde kúni saǵat 22.00-ge deiin júrgiziletin óndeý jumystaryna apattyq tehnika, ekskavator, vakýýmdyq mashina, MTZ-82 bazasynda sorǵy tartylǵan», dep habarlady kásiporynnyń baspasóz qyzmeti.
Batys Qazaqstanda kún qatty ysyp ketkendikten, sýsyz qalý turǵyndarǵa ońai tiip otyrǵan joq.
