Foto: Tengrinews.kz
Qazaqstanda koronavirýs boiynsha optimistik stsenarii iske asyp jatyr. Bul týraly Densaýlyq saqtaý ministriniń mindetin atqarýshy Jandos Búrkitbaev málimdedi, dep habarlaidy Sputnik Qazaqstan.
Resmi málimetke sáikes, sońǵy eki aptada syrqattaný deńgeii 31 protsentke tómendegen. Qazirgi kezde respýblika boiynsha 18 852 naýqas emdelip jatyr. Infektsiialyq jáne reanimatsiialyq tósek-oryndardyń 19 protsenti ǵana bos emes. Sońǵy úsh aida naýqastardyń sany 4,5 esege azaidy.
"Respýblikada koronavirýs infektsiiasyna qatysty epidemiologiialyq jaǵdaidyń boljamyna sáikes, jeltoqsan aiynda táýligine orta eseppen 560 jaǵdai tirkelip, optimistik stsenarii boiynsha kele jatyrmyz. Qazirgi ýaqytta respýblikada koronavirýs infektsiiasy boiynsha epidemiologiialyq jaǵdaidyń turaqtanǵany baiqalady, jaǵdai ministrliktiń baqylaýynda tur", - dedi Búrkitbaev Úkimet otyrysynda.
Onyń aitýynsha, koronavirýstyń bir adamnan juǵý kórsetkishi 0,90-dy qurap otyr. Osylaisha, reprodýktivti kórsetkish tamyz aiymen salystyrǵanda 1,2 ese tómendegen. Alaida álem boiynsha koronavirýsty juqtyrý jaǵdailarynyń kóbeiip jatqany baiqalyp otyr. Ásirese, Eýropada sońǵy eki aptanyń ishinde 54 eldiń 15-inde syrqattaný deńgeii ósken.
Máselen, Daniiada syrqattaný kórsetkishi 70 protsentten asyp ketken. Italiia men Shvetsiiada – 50 protsentke, Frantsiia men Ulybritaniiada – 40 protsentke, Norvegiia men Portýgaliiada naýqastardyń sany 30 protsentke kóbeigen.
Sondai-aq, Densaýlyq saqtaý ministrligi boljamyna sáikes, 2022 jyldyń qańtarynda optimistik stsenarii boiynsha kúnine ortasha eseppen koronavirýs infektsiiasynyń 650 jaǵdaiy tirkeledi. Naqty - 1500, jaǵdai nasharlasa 3000 derek tirkelýi múmkin.
