Munai ónimderiniń kóterme saýda baǵasy bir qalypta tur. Bul týraly QR Energetika vitse-ministri Áset Maǵaýov málim etti, dep habarlaidy QazAqparat.
Ortalyq kommýnikatsiialar qyzmetindegi baspasóz máslihatynda Túrkistan oblysynyń shalǵai aýdandarynda dizel otyny múldem satylmai otyrǵany, kebir jerlerde litrine 300 teńgege deiin qymbattaǵany, al suiytylǵan gaz 10 kúnnen beri talomen satylyp jatqany týraly suraq qoiyldy.
Óz kezeginde Á. Maǵaýov kesheden beri ońtústik óńirlerde munai ónimderin jóneltý kólemi artqanyn jetkizdi.
«1-2 kúnde jaǵdai turaqtanady degen oidamyz. Munai ónimderiniń kóterme saýda baǵasy bir qalypta turǵanyn aitqym keledi, eshqandai ózgeris joq. Múmkin janar-jaǵarmai quiý stantsiialarynda ózderiniń sheshimimen baǵany qoiyp jatqan shyǵar. Keibir otyn quiý oryndary qazirgi jaǵdaidy paidalanyp, baǵany kóterýi yqtimal. Biraq aldaǵy ýaqytta baǵany túsirýge májbúr bolady. Óitkeni kóterme baǵa ózgermedi, burynǵy qunymen keledi», - dedi vitse-ministr.
Sonymen qatar ol munai ónimderin satatyn kompaniialar arasynda baǵa boiynsha ózara kelisimder bolyp jatsa, onda tiisti organdar tekserý júrgizetinin aitty
