Memleket COVID-19-ben kúreste jetistikke jetti, alaida bilik pandemiia birneshe ai boiy jalǵasady dep kútýde.
Koreilik aýrýlardy baqylaý ortalyǵynyń basshysy Chon Yn Ken alǵashqy tolqyn sáýir aiyna deiin sozyldy deidi.
Mamyr aiynan bastap jańa virýs juqtyrǵandar sany kóbeidi. Osy kezeńderdiń arasynda sońǵy úsh kúnde aýrýdyń kún saiynǵy rastalǵan jaǵdailarynyń sany myńnan nólge deiin qysqardy.
Resmi tulǵalar sońǵy 24 saǵat ishinde iri keńseler men qoimalardaǵy túrli klasterlerden juqtyrýdyń 17 jańa deregi týraly habarlanǵanyn aitty.
Buǵan deiin el astanasynyń ońtústiginde ornalasqan Dedjeon qalasynyń biligi birqatar virýstyq klaster anyqtalǵannan keiin murajailar men kitaphanalar siiaqty qoǵamdyq oryndarda jinalýǵa tyiym salynǵanyn habarlaǵan bolatyn.
Seýl qalasynyń meri, aldaǵy úsh kúnde aýrý sany orta eseppen 30 adamnan assa, al qalalyq aýrýhanalardaǵy aýyrý deńgeii 70%-dan asatyn bolsa, qalanyń qatań áleýmettik qashyqtyqty saqtaý talabyna oralýy múmkin ekenin eskertti.
Ońtústik Koreia lokdaýnnan qutylyp, onyń ornyna virýstyń aldyn-alý jáne testileý strategiiasymen birge áleýmettik qashyqtyqtaǵy erikti sharalarǵa súiendi.
20 qańtarda aýrýdyń alǵashqy jaǵdaiy belgili bolǵannan beri memlekette 280 adam qaitys boldy. Jalpy alǵanda, infektsiia juqtyrýdyń 12000-nan astam jaǵdaiy tirkelgen.
Esterińizge sala keteiik, álemde koronavirýsty juqtyrýdyń rastalǵan jaǵdailarynyń sany 9 millionnan asyp, qazirgi ýaqytta 9 051 578-ge jetti.
