Juma kúni Koreianyń Ádilet ministrligi Ońtústik Koreiada oqshaýlaý erejesin saqtamaǵan taǵy bes sheteldikti elden shyǵaryp jiberdi, dep habarlaidy Yonhap agenttigi.
Qytaidyń eki azamaty pen Pákistan, Polsha jáne Ulybritaniianyń úsh azamatyna Seýlde jańa koronavirýstyń taralýyna jol bermeý maqsatynda jariialanǵan mindetti oqshaýlaný rejimin buzǵany úshin elderine qaitý mindetteldi.
Ministrliktiń málimetinshe, deportatsiialaý týraly ókimge qosymsha, Ońtústik Koreiaǵa 1 sáýirden keiin kelip, mundaǵy oqshaýlaý tártibin buzǵan sheteldik bes azamattyń úsheýine aiyppul salynǵan.
Mindetti karantin sharasy boiynsha, shetelden keletin barlyq korei, sheteldik azamattar úiinde nemese úkimeti belgilegen oryndarda 14 kún karantinge alynýy tiis. Eki aptalyq oqshaýlaý rejiminen bas tartqan sheteldikterge elge kirýge tyiym salynǵan, al erejelerdi buzǵandar aiyppul tólep, elden ketýi tiis.
Karantin erejesin saqtamaǵany úshin Ońtústik Koreiadan 17 sheteldik azamat deportatsiialandy. Sheteldik jeti azamattyń oqshaýlanýdan bas tartqany habarlanady. Osylaisha, Ońtústik Koreiadan deportatsiialanǵan sheteldikter sany 24 adam boldy.
Ministrlik taǵy toǵyz sheteldik azamattyń karantin rejimin abaisyzda buzǵany úshin ustalǵanyn málimdegen. Olarǵa aiyppul tóletilip, elde qalýǵa ruqsat etildi.
