Sovid-19 tórtinshi tolqyny Ońtústik Aziia elderine taralýda. Vetnamda ótken táýlikte 15 311 jańa jaǵdai anyqtaldy, onyń 11-i shetelden tasymaldanǵan, - dep málimdedi eldiń Densaýlyq saqtaý ministrligi.
Bul týraly QazAqparat Covid-19 taralýyna jol bermeý jónindegi vedomstvoaralyq komissiiasynyń Telegram kanalyna silteme jasap habarlady.
Infektsiianyń jergilikti taralý faktileriniń basym kópshiligi eldiń ońtústiginde oryn alýda. Hoshiminde-1 453, Teinin provintsiiasynda-895, el astanasy Hanoida - 822 jáne Shokchang provintsiiasynda-789 derek.
Osylaisha, infektsiia juqtyrýdyń jalpy sany 1 367 433-ke, al kóz jumý jaǵdailary 27 186-ǵa jetti. Vetnamda COVID-19 virýsyna qarsy vaktsinasynyń 130 millionǵa jýyq dozasy engizildi, shamamen 56 million azamat vaktsinatsiianyń tolyq kýrsynan ótti.
Reseide covid-19 infektsiiasyn emdeý boiynsha usynystar mýtatsiialanǵan «omikron» shtamyna bailanysty ózgerýi múmkin, - dep habarlady RF Densaýlyq saqtaý ministrliginiń basshysy Mihail Mýrashko.
«Biz jańa shtamnyń barlyq erekshelikterin zerdeleimiz, bul rette sheteldik áriptesterdiń zertteýlerin eskeremiz. Osydan keiin ǵana biz emdeý týraly usynystarǵa ózgerister engizýdiń qajet nemese qajet emes ekenin baǵalaimyz», - dedi ministr.
«Densaýlyq saqtaý ministrligi jańartylǵan nusqaýlyqtardy sońǵy ret 18 qarashada shyǵardy. Jańa nusqada patsienttiń denesin ottegimen qanyqtyrý ádisteri - oksigenatsiia týraly túsiniktemeler kórsetilgen»,-delingen Covid-19 taralýyna jol bermeý jónindegi vedomstvoaralyq komissiia taratqan aqparatta.
