Foto: gamma-med.org
2025 jyldyń 4 aqpanynda Almatyda onkologiialyq aýrýlarǵa shaldyqqan patsientterge teń keńes berý boiynsha Qazaqstandaǵy alǵashqy joba resmi túrde iske qosyldy, dep habarlaidy Ult.kz.
Bul joba onkologiialyq aýrýlarmen kúresken jáne sátti emdelgen azamattardyń óz tájiribesin bólisý arqyly basqa patsientter men olardyń týystaryna psihologiialyq jáne praktikalyq qoldaý kórsetýin maqsat etedi.
Jobany tanystyrý Qazaqstan baspasóz klýbynda ótti. «Onco Senim Fund» qoǵamdyq qorynyń uiymdastyrýymen ótken baspasóz konferentsiiasynda onkologiiadaǵy teń keńes berýdiń mańyzdylyǵy, konsýltanttardyń róli jáne qoldaý túrleri talqylandy.
Teń konsýltanttar kimder?
Onkologiiadaǵy teń konsýltanttar – onkologiialyq diagnozben kúresken jáne sátti emdelip, arnaiy daiyndyqtan ótken eriktiler. Olar jańadan diagnoz qoiylǵan nemese emdelý kezeńinde júrgen adamdarǵa óz tájiribeleri men bilimderin usynady.
«Teń konsýltant – dáriger, psiholog nemese áleýmettik qyzmetker emes. Biraq ol diagnozben betpe-bet kelgen patsientterdiń jaǵdaiyn jaqsy túsinip, olarǵa emotsionaldyq jáne aqparattyq qoldaý kórsete alady», – deidi «Onco Senim Fund» qorynyń tóraǵasy Polina Iýrchenko.
Foto: Ult.kz
Joba qalai jumys isteidi?
Teń keńes berý qyzmetteri onlain formatta telefon nemese Zoom arqyly qazaq jáne orys tilderinde tegin usynylady. Konsýltatsiialar kezinde konsýltanttar patsientterge diagnozben ómir súrýdiń turmystyq aspektilerimen bólisip, senimdi aqparat alýǵa kómektesedi.
2024 jyldyń kúzinde teń keńes berý mektebiniń alǵashqy kýrsy ótip, 14 qatysýshy sertifikat aldy. Eger joba suranysqa ie bolsa, mekteptiń ekinshi legi ashylady dep josparlanýda.
"Men himiiaterapevt-dáriger retinde aitarym, bul tek patsientter úshin ǵana emes, dárigerler úshin de óte mańyzdy. Bul – dárigerlerdiń jumysyn jeńildetetin naqty kómek. Qazir dárigerler óte kóp júktememen jumys isteidi, óitkeni patsientter sany óte kóp. Olar tek qajetti taǵaiyndaýlar jasap, patsientti medbikege jiberýge ǵana úlgeredi.
Teń konsýltanttardyń taǵy bir artyqshylyǵy – olar patsientpen bir tilde sóilesedi. Dáriger, qalai bolǵanda da, basqa qyrynan qaraidy. Men túsindiremin, aityp beremin, qajetti túzetýler engizemin, biraq munyń bári dáriger – baqylaýshynyń kózqarasy turǵysynan bolady. Al himiiaterapiia qabyldap júrgen adamnyń ne sezinetinin tolyq túsiný múmkin emes. Sondyqtan bul – óte úlken jáne jaqsy joba. Bul tek qoldaý kórsetýdi ǵana emes, sonymen qatar búkil respýblika boiynsha engizýdi qajet etetin bastama. Bul dárigerler úshin de zor kómek", - deid3 Súriia Ertuǵyrqyzy Esentaeva, m.ǵ.d, himiiaterapevt, «Ǵylymi-meditsinalyq qoǵam» qoǵamdyq birlestiginiń tóraiymy.
Teń keńes berý qyzmetin Qazaqstannyń kez kelgen aimaǵynan alýǵa bolady. Konsýltatsiialar onkologiialyq patsientter men olardyń týystaryna qoljetimdi.
Bul joba onkologiialyq aýrýlarmen kúres jolynda qoldaýdyń jańa modelin qalyptastyryp, qoǵamǵa zor paida ákeledi dep kútilýde.
Anara Baýyrjanqyzy
