Aqmola oblysynyń ákimi Ermek Marjyqpaev óńirde áleýmettik mańyzdaǵy taýarlar baǵasyn turaqtandyrý týraly aitty, dep habarlaidy "Ult aqparat".
«Áleýmettik mańyzdaǵy taýarlarǵa baǵany turaqtandyrý aiasynda óńirdegi jergilikti taýar óndirýshilerge 1,1 mlrd teńgege azyq-túlik taýarlarynyń 7 túri boiynsha zaim berildi. Baǵany turaqtandyrý tetigin ary qarai iske asyrý úshin biyl oblystyq biýdjetten 600 mln teńgeden astam bólindi», - dedi E. Marjyqpaev Ortalyq kommýnikatsiialar qyzmetinde.
Onyń aitýynsha, oblys ortalyǵynda «KOKSHE MARKET» áleýmettik pavilondar jelisi keńeiip keledi. Onda turaqtandyrý qorynyń taýarlary naryq qunynan 10-15 paiyzǵa tómen baǵamen satylady.
«Óńirde áleýmettik mańyzdaǵy azyq-túlik taýarlarynyń jetkilikti qory bar. Kún saiyn bul baǵytta monitoring júrgizilip keledi, sondai-aq saýda ústemesine qatysty sýbektilerge túsindirý jumystary júrigizilip jatyr», - dedi ákim.
