Qazaqstan óziniń barlyq ishki múmkindikterin paidalanýy úshin ónerkásip saiasatyna basa nazar salýy kerek. Bul týraly memleket Prezidenti Qasym-Jomart Toqaev joldaýynda da aitqan bolatyn.
«Biz jańa ónerkásip saiasaty arqyly jańasha damý úlgisine kóshýge tiispiz. Memleket iri kásiporyndarmen birlesip, óndiristiń barlyq satysy óz elimizde bolýyn qamtamasyz etýi kerek», - degen bolatyn Qasym-Jomart Toqaev joldaýda aitqan sózinde.
Ónerkásip salasyn damytý úshin salany baqylap, retteý jáne óndiris ashý, orta-jáne shaqyn kásipkerlikti damytý baǵytynda yntalandyrý jáne qoldaý jumystaryna basa nazar aýdarý kerek ekenin Prezident jii aityp júr.
Prezidenttiń sózinshe satyp alynatyn taýarlardyń ishinde otandyq óndirýshilerge basymdyq berilip, óz óndirýshilerimizdi qoldaý kerektigin de atap ótti.
Qazaqstanda shikizatqa táýeldilikti azaitý maqsatynda óndirý, óńdeý salasyna basa nazar aýdarylyp otyr. 2025 jyly óńdeý ónerkásibiniń ósimi 5,8 paiyzyd quraǵan eken. Onyń ishinde ásirese metal ónimderin óńdeý, mashina jasaý men himiia ónerkásibi aldyńǵy orynda kórinedi.
Óńdeý sektorynda sońǵy jyldary ósim baiqalady. Turaqty damý jalǵasatyn bolsa, ekonomikanyń negizgi draiverine ainalýy da múmkin.
