«Qazaqmys» korporatsiiasy tehnologiialyq damý men ónerkásiptik qaýipsizdik baǵytyn kúsheitýde. Ǵylymi-tehnikalyq keńestiń (ǴTK) otyrysynda kompaniia 2026 jylǵa arnalǵan ǵylymi-zertteý jáne tájiribelik-konstrýktorlyq jumystyń (ǴZTKJ) portfelin bekitti. Ǵylymǵa, tsifrlandyrýǵa jáne innovatsiiaǵa salynatyn investitsiianyń jalpy kólemi shamamen 8 mlrd teńgeni quraidy.
Qatysýshylar ǵylymi bloktyń orta merzimdi perspektivadaǵy damýyn talqylap, aldaǵy úsh jyldyń basym baǵyttaryn aiqyndady. Osylaisha ǴZTKJ jekelegen bastamalar deńgeiinen shyǵyp, óndiristiń tiimdiligin, qaýipsizdigin jáne turaqtylyǵyn basqarýdyń júieli tetigine ainalatyn biryńǵai ǵylymi-tehnologiialyq strategiia qalyptastyrýǵa negiz bolady.
«ǴZTKJ-ǵa investitsiia salý – biz úshin óndiristik táýekelderdi basqarylatyn parametrlerge ainaldyrýdyń tiimdi quraly. Biz jasandy intellektti eń aldymen kenshiler men baiytýshylardyń eńbegin qaýipsiz ári boljamdy etý úshin engizýdemiz», – dedi «Qazaqmys korporatsiiasy» JShS Basqarma tóraǵasy Rýslan Óskenáli.
Qabyldanǵan sheshim kompaniianyń strategiialyq ustanymyn kórsetedi: tehnologiia arqyly óndiristik táýekelderdi tómendetý, adam faktoryn barynsha azaitý jáne óndirýden bastap óńdeýge deiingi barlyq úderistiń turaqtylyǵyn arttyrý.
Baiytý fabrikalaryn tsifrlyq transformatsiialaýǵa erekshe nazar aýdaryldy. Bekitilgen bastamalar qatarynda jasandy intellektke jáne zamanaýi taldaý júielerine negizdelgen sheshimderdiń engizilgenin aitýǵa bolady. Mashinalyq kórý tehnologiiasy qoldanylatyn jańa sheshimder óndiristik úderistiń kórsetkishterin naqty ýaqyt rejiminde taldaýǵa múmkindik berip, metall alýdyń turaqtylyǵyn qamtamasyz etedi. Jeke baǵyt retinde prediktivti basqarýdy damytý kózdelýde. Bul aýytqýlarǵa jedel áreket etýge jáne jabdyq jumysynyń senimdiligin arttyrýǵa múmkindik beredi. Sondai-aq taldaý ýaqytyn edáýir qysqartyp, tehnologiialyq operatsiialardyń dáldigin arttyrýǵa jaǵdai jasaityn shikizat sipattamalaryn onlain-baqylaý jónindegi sheshimder maquldandy.
ǴTK otyrysynda ónerkásiptik qaýipsizdik pen turaqty damý máselelerine erekshe nazar aýdaryldy. Kompaniia kenishterdegi gaz mólsheri joǵary ýchaskelerdi zertteýdi jalǵastyryp, gazsyzdandyrý máselesi boiynsha sheshim ázirleidi. Bul jerasty jumysynda apattyń aldyn alý úshin asa mańyzdy.
Maquldanǵan bastamalar qatarynda shikizatty óńdeý tiimdiligin arttyrý jáne ekologiialyq júktemeni azaitýǵa baǵyttalǵan jobalar bar. Bul kontsentratty qoiýlatý, súzý kezinde ylǵaldy tómendetý, sondai-aq tehnogendik shikizatty óndiristik tsiklge engizý tehnologiiasyn qamtidy. Atalǵan sharalar metall alý tiimdiligin arttyryp qana qoimai, shyǵaryndylar men qaldyq kólemin qysqartýǵa yqpal etedi.
Talqylaý nátijesinde jobalardyń bir bóligi óndiristik blok pen tsifrlandyrý qyzmetimen birlesip qosymsha pysyqtaýǵa jiberildi. Bul sheshimderdiń ekonomikalyq tiimdiligi pen tehnologiialyq negizdiligin baǵalaýdaǵy kompaniianyń júieli kózqarasyn kórsetedi.
Osylaisha, bekitilgen ǴZTKJ portfeli men aiqyndalǵan strategiialyq baǵyttar «Qazaqmysty» odan ári jańǵyrtýdyń negizin qalaidy. Kompaniia ǵylymnyń, tehnologiianyń jáne qaýipsizdiktiń turaqty damýy men uzaq merzimdi básekege qabilettiliktiń negizgi elementterine ainalatyn úlgisin kezeń-kezeńimen qalyptastyrady.
