Foto: istagram.com/abayalgazy
Qazaqstandyqtar Abai Alǵazy esimdi avtordyń óziniń jeke tájiribesin jáne tabysqa jetý jolyndaǵy keńesterin toptastyrǵan «Batyl qadam jasa! Aldyn ala daiyndal! Erejelerdi buz!» atty motivatsiialyq kitabyn talqylap jatyr, dep habarlaidy Azattyq Rýhy.
Áleýmettik jelilerde kitaptaǵy erekshe jattyǵý jariialandy. Onda avtor belgisiz qyzdarǵa baryp, olardy belinen ustap kóterip, 360 gradýsqa ainaldyrýdy usynady. Sodan keiin qyzdy jerge qoiyp, onyń kózine qarap, kóńildi ári oiynqumar túrde «Sálem! Men seni qalaimyn!» dep aitý kerek dep jazady. Bul áreketti avtor 10 ártúrli qyzben qaitalaýdy usynady.
Al avtor kitaptyń motivatsiia berýge arnalǵanyn aitady.
«Bul eńbek oqyrmandardy batyl áreket etýge, alǵa jospar qurýǵa jáne tabysqa jetý jolynda erejelerdi buzýdan qoryqpaýǵa shaqyrady», - dep jazdy avtor Instagram paraqshasynda.
Jattyǵýdyń qaýipsizdigi men tiimdiligi úshin keibir nusqaýlyqtar da qosylǵan, mysaly, qyzdy qatty ustap, qulatyp almaý. Áleýmettik jeli qoldanýshylary bul jattyǵýdy synǵa alyp, mundai áreketter jeke shekarany buzady jáne etikaǵa jatpaidy dep baǵalady.
