Afrikanyń halyq eń kóp qonystanǵan eliniń biri - Nigeriia biligi covid-19 aýrýynyń tórtinshi tolqynyn jariialady jáne aýrýdyń ósýin «delta» jáne «omikron shtamdarynyń taralýymen bailanystyrdy, dep habarlaidy QazAqparat Covid-19 taralýyna jol bermeý jónindegi vedomstvoaralyq komissiianyń Telegram kanalyna silteme jasap.
Aýrýlardy baqylaý ortalyǵynyń basshysy Ifedaio Adetifanyń málimdemesinde aitylǵandai, sońǵy eki aptada aýrýdyń aitarlyqtai ósýi baiqaldy - shamamen 500%.
«Nigeriianyń 36 shtaty men federaldy astanalyq okrýginde 223 887 jańa jaǵdai jáne 2 985 ólim derekteri tirkeldi. Qazir el Úkimeti KVI-ǵa qarsy kúreste kúsh-jigerdi jáne halyqty vaktsinatsiia týraly habardar etý, sondai-aq virýstyń taralýyn azaitý úshin qaýipsizdik sharalaryn saqtaý jónindegi jumystar jandandy.
Eýropalyq Odaq elderiniń úkimetteri «omikron» shtamynyń tez taralýyna bailanysty shekteý sharalaryn engizýde. Eń mańyzdy statistika Ulybritaniiada, atap aitqanda astanasy Londonda baiqalady – kúnine shamamen 25 myń infektsiia juqtyrý derekteri anyqtalýda.
Ulybritaniia astanasynyń meri Sadyq Han qalada tótenshe jaǵdai rejimin engizdi. Osy ýaqytta Frantsiia men Germaniia britandyqtardyń óz memleketterine kirýine tyiym saldy, al Niderlandy olar úshin mindetti on kúndik karantin engizdi. Búgingi tańda Ulybritaniia azamattary úshin 40-tan astam el jabyldy.
