Omikron shtamy birneshe aida búkil álemge taralady. Bul týraly Úkimet otyrysynda Densaýlyq saqtaý ministriniń mindetin atqarýshy Jandos Búrkitbaev aitty, dep habarlaidy QazAqparat.
«Epidemiologiialyq jaǵdaiǵa áser etetin jaǵymsyz faktorlardyń biri - álemde omikron shtamynyń jyldam taralýy. Omikron qarashada 16 elden tabylsa, al búgingi kúni aýrý álemniń 110 elinen anyqtaldy», - dedi ol.
Jandos Búrkitbaevtyń atap ótýinshe, omikronnyń taralý koeffitsienti joǵary, ol - 1:5 teń.
Sonymen qatar qaita juqtyrý qaýpi de óte joǵary bolyp tur.
«Dúniejúzilik densaýlyq saqtaý uiymynyń boljamy boiynsha aýrý birneshe ai ishinde búkil álemge taralady», - dedi Jandos Búrkitbaev.
