Foto: inbusiness.kz
Qazaqstanda ótken jalpyulttyq referendým el tarihyndaǵy mańyzdy saiasi oqiǵalardyń birine ainaldy. Halyqtyń belsendi qatysýymen ótken bul daýys berý memleket damýynyń jańa kezeńine bastar qadam retinde baǵalanýda. Referendým qorytyndysy boiynsha qabyldanǵan jańa Konstitýtsiia eldegi saiasi jáne áleýmettik-ekonomikalyq reformalardy odan ári tereńdetýge baǵyttalǵan. Bul týraly aitqan Qazaqstan Respýblikasynyń Premer-ministri Oljas Bektenov qazaqstandyqtardy tarihi sheshimmen quttyqtap, eldiń jańǵyrý jolyndaǵy mańyzdy kezeń bastalǵanyn atap ótti, dep habarlaidy Ult.kz.
Onyń aitýynsha, Qasym-Jomart Kemeluly Toqaev júrgizip otyrǵan reformalar Qazaqstannyń demokratiialyq qundylyqtarǵa negizdelgen ádiletti ári progressivti memleket retinde damýyna jol ashady:
Qurmetti otandastar!
Bizdiń elimiz Prezident Qasym-Jomart Kemeluly Toqaevtyń basshylyǵymen senimdi túrde damýdyń jańa kezeńine qadam basty.
Keshe jalpyhalyqtyq referendýmda Qazaqstan azamattary aýyzbirshilik pen naǵyz otanshyldyqtyń úlgisin kórsetip, Memleket basshysynyń aýqymdy saiasi jáne áleýmettik-ekonomikalyq reformalaryna jappai qoldaýyn bildirdi.
Biz sizdermen birge aýqymy men mán-mańyzy turǵysynan el taǵdyryna qatysty tarihi oqiǵanyń tikelei kýágeri boldyq.
Prezidentimiz atap ótkendei, qazaqstandyqtar jańarý men jańǵyrý úshin daýys berip, memlekettigimizdi nyǵaitýǵa óz úlesterin qosty.
Ádiletti ári Órkendegen Qazaqstannyń jańa tarihy ulttyq dástúrlerimiz ben mádenietimizdi ulyqtap, tek demokratiialyq qundylyqtar negizinde qalyptasýda.
Júrgizilip jatqan ózgeristerdiń sapasy men damý qarqynyn qamtamasyz ete otyryp, bárimiz birge alǵa qoiylǵan maqsat-mindetterge qol jetkizetinimizge senimdimin.
Barsha qazaqstandyqtardy Otanymyzdyń Birligi men Táýelsizdiginiń jáne Egemendiginiń simvoly bolyp tabylatyn jańa Konstitýtsiianyń qabyldanýymen quttyqtaimyn!
QR Premer-ministri
Oljas Bektenov
