Foto:instagram.com/abiba48
Qazaqstan áielder quramasynyń kóshbasshysy, dziýdoshy Abiba Ábýjaqynova jankúierlerimen qýanyshty jańalyǵyn bólisti. Sportshy syrǵalym atanǵanyn aitty, dep habarlaidy Ult.kz.
Onyń aitýynsha, turmysqa shyǵý týraly sheshim sporttyq mansabyna áser etpeidi.
«Syrǵalym atandym. Biraq sporttan ketken joqpyn. Alda 2028 jylǵy Olimpiada bar. Men áli de kúresemin», – dedi Abiba Ábýjaqynova.
Aita keteiik, sportshyǵa usynys jasaǵan azamat ta dziýdo álemine jaqyn. Ol – 90 kelige deiingi salmaqta el namysyn qorǵap júrgen belgili dziýdoshy Ermahan Ánýarbek.
Abiba Ábýjaqynova – 48 kelige deiingi salmaqta álemdik reitingte aldyńǵy qatarda turǵan sportshylardyń biri. Ol dziýdodan álem chempionatynda finalǵa shyqqan alǵashqy qazaq qyzy retinde tarihqa endi. Sondai-aq sportshy 2024 jylǵy Parij Olimpiadasynda da baq synaǵan bolatyn.
