Foto: instagram.com/zhazira.zhapparkul
Aýyr atletikadan Rio Olimpiadasynyń kúmis júldegeri Jazira Japparqul Shymkent qalasy aýyr atletika federatsiiasynyń vitse-prezidenti qyzmetine taǵaiyndaldy, dep habarlaidy Ult.kz.
Burynǵy aýyr atlettiń jańa qyzmetke taǵaiyndalǵany týraly aqparat Amanat partiiasynyń Shymkent qalalyq filialynyń jelidegi paraqshasynda jariialandy. Kýálikti QR Aýyr atletika federatsiiasynyń vitse-prezidenti, Shymkent qalasy boiynsha filial prezidenti Murat Joldyhojaev saltanatty túrde tabystaǵan.
Taǵaiyndaý barysynda sóz sóilegen Murat Joldyhojaev Jazira Japparquldyń sporttaǵy jetistikteri men tájiribesi óńirdegi aýyr atletikany damytýǵa serpin beretinin atap ótken. Onyń aitýynsha, Olimpiada júldegeriniń federatsiia jumysyna aralasýy jas sportshylarǵa motivatsiia berip, kásibi sporttyń jańa deńgeige kóterilýine yqpal etedi.
Óz kezeginde Jazira Japparqul senim bildirgeni úshin alǵys aityp, óńirdegi aýyr atletikany damytýǵa bar kúsh-jigerin salatynyn jetkizgen.
Esterińizge sala keteiik, Jazira Japparqul Rio-de-Janeiro ótken 2016 jylǵy jazǵy Olimpiada oiyndarynda 69 keli salmaqta kúmis medal ielendi.
