Foto: UOK videosynan skrinshot
Olimpiada chempiony, qazaqstandyq mánerlep syrǵanaýshy Mihail Shaidorov elge oraldy. Astana áýejaiynda ony jankúierler, sportshylar, sheneýnikter jáne BAQ ókilderi saltanatty túrde qarsy aldy. Sportshynyń qurmetine arnaiy sahna uiymdastyryldy, dep habarlaidy Ult.kz.
Qarsy alý rásiminde Qazaqstan Ulttyq olimpiada komitetiniń basshysy Gennadii Golovkin sóz sóiledi.
Aita keteiik, buǵan deiin Shaidorov Lozannadaǵy Olimpiada úiinde estelik qoltańbasyn qaldyrǵan bolatyn.
Mihail Shaidorov Qazaqstan tarihynda Olimpiada chempiony atanǵan alǵashqy mánerlep syrǵanaýshy boldy. Ol qysqa jáne erkin baǵdarlamalar qorytyndysy boiynsha 291,58 upai jinady.
Oǵan deiin mánerlep syrǵanaýdan Qazaqstanǵa alǵashqy Olimpiada medalin Denis Ten ákelgen edi. Ol 2014 jylǵy Olimpiada oiyndarynda qola júlde jeńip alǵan.
Shaidorovtyń jeńisiniń arqasynda bul Olimpiada Qazaqstan úshin 1994 jyldan bergi eń tabysty oiynǵa ainaldy. 1994 jyly shańǵyshy Vladimir Smirnov úsh medal jeńip alǵan: 50 shaqyrymdyq jarysta chempion atanyp, 10 jáne 15 shaqyrym qashyqtyqta kúmis júldege ie bolǵan.
