QR Adam quqyqtary jónindegi ýákili Elvira Ázimova ólim jazasyn joiýdy kózdeitin zań jobasyn Qazaqstan qoǵamyn dmokrantiialandyrýǵa, eldegi qylmyspen kúres saiasatyn izgilendirýge bastaityn qadam retinde baǵalady, dep habarlaidy QazAqparat agenttigi.
«Ólim jazasyn joiý - Qazaqstannyń qoǵamdy demokratiialandyrýǵa jáne qylmyspen kúres saiasatyn izgilendirýge baǵyttalǵan mańyzdy qadamy. Halyqaralyq qujattarda ólim jazasy jazanyń óte qatal, adamgershilikke jatpaityn túri retinde tanylǵan. Bul rette atalǵan jaza sharasyn taǵaiyndaý kezinde sottyń qate lesý táýekeli bar ekenine eskeriledi. Sondai-aq, joǵary jazany saqtaý qylmystyń tómendeýine áser etpeitinin dáleldeitin derekter bar», - deidi zańger.
Onyń paiymynsha, ólim jazasyn saqtaý nemese joiý máselesi qoǵamda árqashan qaishylyqty pikirler týyndatady.
«Kóptegen adamdar ólim jazasyn asa aýyr qylmystarǵa eń utymdy jaýap dep sanaidy. Sonymen qatar, adamdy memleket atynan ómirden aiyrý adam quqyqtaryn qorǵaý máselesi turǵysynan tiimdi bolyp sanalmaidy.
Ólim jazasyn alyp tastaý qylmysqa taǵaiyndalatyn jazanyń jumsarǵanyn bildirmeidi. Aýyr qylmys jasaǵan adamdar qatań jazalanýy kerek, olar qatygez áreketterge jol berilmeitinin jol túsinýi kerek», - dedi Adam quqyqtary jónindegi ýákil.
Eske salsaq, búgin Memleket basshysy ólim jazasyn joiý máselesi boiynsha zańǵa qol qoidy.
