Foto: elordainfo.kz
Búgin Májilis kýlýarynda Oqý-aǵartý ministriniń orynbasary Edil Ospan Ult.kz-tiń oqýshylardyń jappai oraza ustaýyna qatysty suraǵyna jaýap berdi.Onyń aitýynsha oqýshylardyń oraza ustaý trendi baiqamaǵan.
«Bul endi ata-analardyń kózqarasyna tikelei bailanysty. Balalar ózdiginen-ózi oraza ustaý, jalpy ózge de dini ǵuryptar boiynsha sheshim qabaldamaidy. Buǵan eresekter tikelei áser etedi jáne osy baǵytta biz ata-analarmen jumys barysynda aitamyz. Balalardyń densaýlyǵy úshin, olardyń laiyqty damýy úshin olardyń tolyqqandy tamaqtanýy óte mańyzdy. Osy máselege erekshe nazar aýdaramyz», – dedi vitse-ministr.
Sondai-aq ol balalardyń densaýlyǵy úshin ýaqytyly tamaqtaný óte mańyzdy ekenin atap ótti. Aýyz bekitý tiisinshe balanyń densaýlyǵyna jáne basqa da jaǵdailaryna, oqýyna qatysty keri áserin tigizetinin aitty.
Al «Baliǵat jasyna jetpegen oqýshy balalardyń oraza ustaýyna mektep basshylyǵy tyiym salýǵa quqyly ma?» degen suraǵymyzdyń jaýaby mardymsyzdaý shyqty.
«Oqýshylardyń mektepte oraza ustap nemese ustamai júrgendigi mektep formasy syndy syrtqa kórinip turmaǵandyqtan ony muǵalimder anyqtai almaidy. Jáne ol syrtqa belgi berip kórinip turmaidy. Al dini ǵuryptarǵa bailanysty mektep formasynyń saqtalýyn ata-analardan talap etemiz», – deidi E.Ospan.
Eske sala ketsek, biyl qasietti Ramazan aiy 1 naýryzda bastalady. Al naýryz aiynyń 26-nan 27-ne qaraǵan tún – qasietti Qadir túni. 30 naýryz – Oraza ait merekesi.
Oqi tyryńyz: Biylǵy Oraza kestesi jariialandy
Búgin Májilistiń jalpy otyrysynda birqatar zań jobalary talqylanyp, solardyń qatarynda «Qazaqstan Respýblikasynyń keibir zańnamalyq aktilerine mádeniet jáne bilim berý máseleleri boiynsha ózgerister men tolyqtyrýlar engizý týraly» Qazaqstan Respýblikasy Zańynyń qorytyndy jobasy birinshi oqylymda qaraldy.
