Bul týraly QR Bilim jáne ǵylym ministri Ashat Aimaǵambetov halyqqa esep berý kezdesýinde málimdedi, dep habarlaidy "Ult aqparat".
«Qazirgi tańda oqýlyq sapasyna kóp kóńil bólinedi. Bul - ózekti másele», – dep atap ótti Ashat Aimaǵambetov eseptik kezdesý barysynda.
Bul máseleni QR Prezidenti Qasym-Jomart Toqaev ta jii qozǵaidy.
«Biyldan bastap oqýlyqtardyń sapasyna qoiylatyn talaptardy kúsheitý týraly QR BǴM buiryǵy shyqty. Oqýlyqtardy saraptaý jumystarymen tek táýelsiz mamandar ainalysady. Oqýlyq avtorlary men baspalardyń oqýlyqtardy ázirleýdegi jaýapkershiligi artty. Endi satyp alynǵan oqýlyqtarda qateler anyqtalǵan jaǵdaida baspalar barlyq shyǵyndy ózderi óteidi. Avtorlar men sarapshylardy oqytý jumysy qolǵa alynady. Sondai-aq jergilikti atqarýshy organdarǵa oqýlyqtarmen qamtamasyz etý talaptaryn kúsheitemiz, 100% qamtamasyz etý biz úshin qalypty jaǵdaiǵa ainalýy tiis», – dedi QR Bilim jáne ǵylym ministri.
Sonymen birge, ministr mektep oqýshylarynyń 96% jańartylǵan bilim mazmunyna kóshkenin, al 11-synyptar jańa baǵdarlamaǵa biyl aýysatynyn aitty. Osylaisha, orta bilim berý júiesiniń jańartylǵan bilim mazmunyna tolyq kóshiriledi.
