Jańa oqý jylynyń bastalǵannan beri 22 myńnan astam oqýshydan koronavirýs anyqtaldy. Bul týraly QR Densaýlyq saqtaý ministri Aleksei Tsoi aitty, dep habarlaidy QazAqparat.
«Jańa oqý jylynyń bastalýyna bailanysty ministrlik oqýshylar arasyndaǵy syrqattanýshylyqqa kúndelikti monitoring júrgizýde. KVI-diń 22 021 jaǵdaiy tirkeldi. Bul oqýshylardyń jalpy sanynyń 0,6 paiyzyn quraidy. 160 myńnan astam bailanysta bolǵan adam anyqtaldy. Onyń ishinde 1 409 oń nátije anyqtaldy», - dedi ministr Ortalyq kommýnikatsiialar qyzmetindegi baspasóz máslihatynda.
Onyń dereginshe, qazan aiynda qyrkúiek aiymen salystyrǵanda oqýshylar arasynda syrqattanýshylyqtyń 1,2 esege tómendegeni baiqalady. Birinshi toqsanda 15 aýysym jáne 12 304 synyp karantinge jiberilgen.
«Stýdentter arasynda 2 674 jaǵdai tirkeldi. Onyń ishinde 1 948 orta oqý oryndarynyń stýdentteri arasynda jáne 726 jaǵdai joǵary oqý oryndarynyń stýdentteri arasynda. Bul orta oqý oryndaryndaǵy bilim alýshylardyń 0,5 paiyzyn jáne joǵary oqý oryndaryndaǵy bilim alýshylardyń 0,1 paiyzyn quraidy», - dedi Aleksei Tsoi.
