Foto: QR OAM
Memleket basshysy Qasym-Jomart Toqaevtyń Úkimettiń keńeitilgen otyrysynda berilgen tapsyrmalary, onyń ishinde bilim salasyndaǵy biýdjetti únemdeý maqsatynda QR Oqý-aǵartý ministri Juldyz Súleimenova óńirlik bilim basqarmalary men aýmaqtyq sapany qamtamasyz etý departamentteri basshylarymen onlain kezdesti, dep habarlaidy Ult.kz.
Memleket basshysy Qasym-Jomart Toqaevtyń Úkimettiń keńeitilgen otyrysynda bergen tapsyrmasyna sáikes, ministrlik shyǵyndardy azaitýǵa kiristi. Endigi kezekte bilim salasynyń resýrstary formaldy sharalarǵa emes, naqty sapaǵa baǵyttalady. Sonyń aiasynda, esep berý úshin ótkiziletin forýmdar, jiyndar sany qysqartylady. Respýblikalyq jáne óńirlik sharalar tizimine qatań reviziia júrgizilip, tek bilim berýdiń mazmunyn baiytatyn jobalar ǵana memlekettik qoldaýǵa ie bolady.
Buǵan qosa kezdesýde óńirlerdegi krizistik menedjmenttiń sapasy, bala qaýipsizdigi ministrliktiń únemi baqylaýynda ekeni aityldy. Ministr mektepterdegi tehnikalyq qaýipsizdik, beinebaqylaý, kúzet qyzmeti, oqýshylar arasyndaǵy psihologiialyq klimattyń tolyq baqylaýda bolýy kerektigin jetkizdi. Óńirlik basqarma basshylaryna jergilikti jerde jedel ári batyl sheshimder qabyldaýdy júktedi. Ata-analarmen keri bailanys ornatý mekteptegi qaýipsizdik ekojúiesiniń ajyramas bóligi ekenin eske saldy.
