Qazirgi kezde oblysishilik baǵyttar 10 óńirde jandandy. Bul týraly QR Indýstriia jáne infraqurylymdyq damý ministrligi baspasóz qyzmetinen málim etti, dep habarlaidy "Ult aqparat".
«Búginde oblysishilik baǵyttar 10 óńirde jandanǵan, al qalǵan 4 óńirde (Nursultan, Almaty jáne Shymkent qalalarynan basqa) biyldyń 5 maýsymyna deiin qaita iske qosý josparlanýda», - delingen vedomstvo málimetinde.
Budan bólek, oblysaralyq baǵyttar 3 óńirde jandandy. Qalǵan óńirlerde bul sharalar 5 maýsymǵa deiin júzege asyrylmaq.
Aita keteiik, QR Bas sanitarlyq dárigeriniń 2020 jylǵy 10 mamyrdaǵy qaýlysynyń talaptaryn eskere otyryp, avtobýs baǵdarlarynda jolaýshylar tasymalyn júzege asyrý kezindegi jumys algoritmi ázirlendi.
Osy oraida ákimdikter sanitarlyq normalardyń saqtalýyn eskere otyryp, turaqty avtobýs tasymaldaryn oblysishilik (1379 baǵyt) jáne oblysaralyq (313 baǵyt) qatynasta biylǵy 1 maýsymynan bastap jandandyrý jónindegi jumystardy júrgizý qajettiligi týraly aqparattandyryldy.
