"AQSh Prezidenti Barak Obama jazǵy demalysynda ózine josparly túrde bes kitap oqýdy mindettegen. Olardyń tizimi juma kúni, iaǵni tamyzdyń 12-juldyzynda Aq úi saitynda jariialandy", - dep habarlaidy Ult.kz tilshisi.
Tizimde birinshi bolyp úzdik ǵumyrnama úshin 2016 jylǵy Pýlittser syilyǵyn ielengen Ýiliam Finnegannyń «Jabai ómir: serferdiń ómiri» kitaby tur. Ekinshi orynda - amerikandyq romanshy Kolson Ýaithedtiń «Jerasty temirjoly» kitaby. Úshtikti Helen Makdonaldtyń «Men qarshyǵamyn» kitaby túiindegen.
Sondai-aq tizimge Pol Hokinstiń psihologiialyq triller janryndaǵy «Poiyzda kele jatqan qyz» romany engen. CNN basylymnyń atap ótýinshe, bul kitap boiynsha kino túsirildi, ol prokatqa osy jyly qazan aiynda shyǵady. Sondai-aq, Obama oqityn shyǵarmalar arasynan Nil Stivensonnyń «Jeti Haýa ana» fantastikalyq romanyna da oryn tabylǵan.
Al, RBK agenttiginiń habarlaýynsha, AQSh Prezidenti óziniń ekiaptalyq demalysyn otbasymen Massachýsets shtatynyń Martas-Viniard aralynda ótkizedi.
