Filadelfiiada AQSh-tyń Demokratiialyq partiiasynyń sezinde Barak Obama prezidenttikten úmitker Donald Trampty synnyń astyna aldy. Onyń aitýynsha, Tramp Vashingtonnyń odaqtastaryn oilamai, Resei kóshbasshysyna jaǵympazdanyp júr.
"Ol Baltikadan bastap Birmaǵa deiingi milliondaǵan erler men áielder jáne balalardyń zaryn estimeidi. Al olar Amerikany adam quqyǵy men ar-namystyń saqtalýy, bostandyqtyń simvoly dep úmittenedi. Ol Pýtinge jaǵympazdanady, Saddam Hýseindi biik qoiady jáne NATO odaqtastaryna qorǵanys úshin aqsha tóleýi tiis deidi", - dedi Obama. Bul týraly RIA Novosti jazdy.
Onyń aitýynsha, "AQSh-tyń ýádesi boiynsha eshkimge baǵa kórsetkishin usynbaidy, sebebi memleket óz mindetin oryndaidy. Osynyń ózi segiz jyl burynǵyǵa qaraǵanda, Jer betindegi memleketterdiń aldynda Amerikanyń kúshti ári bedeldi ekendigin kórsetedi", - deidi Obama.
Eske salaiyq, AQSh-taǵy prezident sailaýynyń aldyndaǵy sońǵy kezeńinde batystyń BAQ ókilderi Tramp pen Pýtin jaily ji jaza bastaǵan. Sondai-aq, amerikalyq demokrattar Reseidi respýblikashyldardyń paidasy úshin partiianyń poshtasyn buzdy dep aiyptaǵan.
