Búgin Májilis spikeri Nurlan Nyǵmatýlinniń tóraǵalyǵymen Palata biýrosy ótip, onda aldaǵy jalpy otyrystyń kún tártibi naqtylandy, dep habarlaidy "Ult aqparat" tómengi palatanyń baspasóz qyzmetine silteme jasap.
Depýtattarǵa birqatar ratifikatsiialyq zań jobalaryn qaraý usynyldy. Atap aitqanda, Eýraziialyq ekonomikalyq odaq týraly shartqa Armeniia jáne Qyrǵyz respýblikalarynyń qosylýyna bailanysty ózgerister engizý týraly hattamany ratifikatsiialaý jaily zań jobasy.
Budan basqa kún tártibiniń jobasynda memlekettik satyp alý máseleleri týraly zańnamalyq túzetýlerdi II oqylymda qaraý kózdelgen.
Sondai-aq, aldaǵy jalpy otyrysta palata komiteti Qazaqstan men Resei arasyndaǵy áskeri yntymaqtastyq týraly shartty jáne TMD qatysýshy memleketter qarýly kúshteriniń birlesken bailanys júiesi týraly kelisimdi ratifikatsiialaýǵa qatysty zań jobalaryn jumysqa almaq.
