«Nur Suńqar» respýblikalyq baiqaýyna ótinish qabyldaý bastaldy, dep habarlaidy "Ult aqparat".
Qazirgi tańda «Nur Suńqar» syilyǵy – qazaqstandyq jýrnalisterdiń eń úzdik shyǵarmalaryna beriletin otandyq media salasyndaǵy bedeldi marapattardyń biri. Syilyq otandyq BAQ pen jýrnalistikanyń damýyna serpin berýdi kózdeidi.
«Baiqaýǵa elimizdiń qoǵamdyq-saiasi taqyryptaǵy, ekonomikalyq, rýhani jańǵyrý jáne partiianyń baǵdarlamalyq qujattary men jobalaryn iske asyrýǵa arnalǵan, sondai-aq partiia men onyń Kóshbasshysy N.Á. Nazarbaevtyń qyzmeti jaily materialdar qabyldanady. Baiqaý sharty boiynsha 2019 jyldyń 1 qyrkúiegi men 2020 jyldyń 18 maýsymy aralyǵynda jaryq kórgen ártúrli janrdaǵy: ocherk, suhbat, maqala, tele jáne radiohabar, jýrnalistik zertteý materialdary qabyldanady.
«Baiqaý jumystary memlekettik jáne orys tilinde tapsyrylady. Ótinishter 2020 jyldyń 19 mamyry men 18 maýsymy aralyǵynda Nur-Sultan ýaqytymen saǵat 23:00-ge deiin qabyldanady», - dep habarlaidy partiianyń baspasóz qyzmetinen.
Jeńimpazdar 9 atalym boiynsha anyqtalady:
- «Televiziia úzdigi» – úzdik televiziialyq jýrnalist;
- «Ushqyr qalam» – úzdik gazet jýrnalisi;
- «Únjariia» – radionyń úzdik jýrnalisi;
- «QazNet úzdigi» – internet basylymnyń úzdik jýrnalisi»;
- «Partiianyń «qaita jandanýy» boiynsha úzdik material»;
- «Elbasy salǵan sara jol» – Elbasy qyzmetin úzdik jaryqqa shyǵarǵany úshin;
- «Blogosfera úzdigi» – áleýmettik jelidegi úzdik jariialanym;
- «Alǵy shep» – Tótenshe jaǵdaidy jariia etý boiynsha qajyrly eńbegi úshin;
- «Biz birgemiz» – volonterlik jumys týraly úzdiń jariialanym;
Jeńimpazdar Bailanys jáne aqparat qyzmetkerleri kúni qarsańynda marapattalady. Baiqaý jeńimpazdaryna aqshalai júlde men baǵaly syilyqtar tabystalady. Baiqaý erejesimen partiianyń saitynan tanysýǵa bolady. Al materialdardy uiymdastyrý komitetiniń nursunqar2020@nurotan.kz elektrondy poshtasyna joldai alasyz.
Qosymsha suraqtar boiynsha 8 776 777 09 22 nómirine habarlasýǵa bolady.
