Elorda ákimdigi men MEGA Silk Way saýda ortalyǵy «Vaktsina al - mashina utyp al» aktsiiasyn bastady, dep habarlaidy "Ult aqparat".
23 maýsym men 31 tamyz aralyǵynda «MEGA Silk Way» saýda jáne oiyn-saýyq ortalyǵynda COVID-19 vaktsinasynyń birinshi komponentin alatyn qazaqstandyqtar Hyundai Accent avtokóligi utysyna qatysa alady.
Finaldyq utys oiyny 5 qyrkúiekte Instagram-daǵy «MEGA Silk Way» resmi akkaýntynyń tikelei efirinde ótedi. Sonymen qatar, apta saiyn 23 maýsymnan 31 tamyzǵa deiin aralyq syilyqtar – turmystyq tehnika, saýda sertifikattary jáne taǵy basqalar oinatylady.
«Bul aktsiianyń maqsaty – Qazaqstanda vaktsinalaý qarqynyn yntalandyrý, óitkeni vaktsina - COVID-19-dan jalǵyz tiimdi qorǵanys. Mundai aktsiialar ár túrli elderde sátti ótip jatyr, jaqynda vaktsina alǵandar arasynda Polsha, Tailand, AQSh, Resei, Mońǵoliia, Serbiia, Indoneziia, Qytai, Vengriia, Izrail jáne t. b. úkimetteri avtokólik utys oiyndaryn ótkize bastady», - dep jazdy Nur-Sultan qalasynyń ákimdigi.
«Vaktsina al — mashina utyp al» aktsiiasy týraly tolyq aqparatty mega.kz saitynan jáne MEGA-nyń áleýmettik jelilerdegi resmi akkaýnttarynan alýǵa bolady.
Budan basqa, «Aziia Park», «Mega Silk Way», «Saryarqa», «Ábý-Dabi Plaza», «Kerýen», «Eýraziia» saýda ortalyqtarynda turmystyq jáne kompiýterlik tehnika túrindegi baǵaly syilyqtar oinatylady jáne jeńildik kýpondary beriledi. Sondai-aq, bul aktsiiaǵa «Mechta» elektronika jáne turmystyq tehnika dúkenderiniń saýda jelisi qosylady.
