Nur-Sultanda úndi shtamy naýqastardyń 56 paiyzynda aldyn ala rastaldy. Olardyń synamalary qosymsha tekserýge jiberilgen. Bul týraly elorda ákimdiginde aityldy, - dep habarlaidy Tengrinews.kz.
"COVID-19 juqtyrý jaǵdailary kúrt óskenin jáne úndi shtamyn juqtyrý yqtimaldyǵyn eskere otyryp, Nur-Sultanda qosymsha tekserýge 54 naýqastan synama alyndy. Onyń ishinde patsientterdiń 56 paiyzynan (30 adam - eskert.) úndi shtamyn juqtyrý yqtimaldyǵy anyqtaldy ("delta" shtamy). Mýtatsiianyń bul túri eń juqpaly jáne tez taralady", - delingen habarlamada.
Ákimdik málimeti boiynsha, elordada qaýipsizdikti qamtamasyz etý maqsatynda qosymsha karantin shekteýleri engiziledi. Koronavirýstyń taralýyna jol bermeý sharalary elorda ákimi Altai Kólginovtiń basshylyǵymen qalalyq shtab otyrysynda qaralǵan.
"Mýtatsiianyń jańa túri eń qaýipti, óitkeni ólim qaýpi joǵary, adamnyń immýnitetine qatty áser etedi. 54 naýqastyń 39 paiyzynan ulybritaniialyq shtamm anyqtalǵan. Úndi jáne ulybritaniialyq shtamm juqtyrǵan patsientterdiń 80 paiyzdan astamynda klinikalyq belgi baiqalady. 20 naýqas aýrýhanaǵa jatqyzyldy, 20 paiyzynda belgiler joq, bir naýqas aýrýhanaǵa jatqyzyldy. Kóbi dáriger kómegine júgingen. Alty jaǵdai Resei, Aýǵanstan, Túrkistan, ekeýi Aqmola oblysynan, ShQO-dan kelgenderde tirkelgen", - dedi Nur-Sultannyń bas sanitariia dárigeri Sarhat Beisenova.
Elorda ákimi Altai Kólginov kommýnaldyq qyzmetterdiń, qurylys kompaniialarynyń basshylarymen, mektepter, balabaqshalar, kolledjder, SOO, bazarlar direktory jáne basqa da iri kásiporyndar ókilderimen kezdesti. Ol adamdar qaýipsizdigin qamtamasyz etý jáne koronavirýstyń taralýyna jol bermeý maqsatynda ujymdardy vaktsinalaý qajetin eske saldy. Ujymdyq immýnitet qalyptasqanda ǵana olardyń qyzmeti toqtatylmaidy.
Buǵan deiin Aleksei Tsoi Nur-Sultanda tirkelgen koronavirýs derekterin tekserý barysynda "delta" nemese úndi shtamynyń belgilerine uqsas jaǵdaidyń tirkelgenin aitqan bolatyn. Ministr bul shtamnyń ózgelerden aitarlyqtai aýyr ekenin eskertip, osyǵan bailanysty óńirlerden dári-dármek pen meditsinalyq kómekke qajetti barlyq jabdyqpen qamtylýdy surady.
Aita keteiik, Qazaqstan Respýblikasynyń Densaýlyq saqtaý ministrliginiń elde "úndi" shtamnyń bolý yqtimaldyǵyn anyqtaǵany habarlanǵan edi.
"Delta" nemese úndi koronavirýs shtamy asa kontagiozdy jáne anyqtalǵan shtamdarǵa qaraǵanda juqpalylyǵy 60 paiyzǵa joǵary, qazirgi ainalymdaǵy shtamdar 1 adamnan orta eseppen 3-4 adamǵa taralatyn bolsa, bul shtamm 5-6 adamǵa birden juǵady jáne 7 kúnge sozylatyn qysqa inkýbatsiialyq kezeńmen sipattalady.
