Qazaqstannyń ár óńirinen kelgen sharýalar aýyl sharýashylyǵy ministri Erbol Qarashókeevtiń otstavkaǵa ketýin talap etti, - dep habarlaidy Tengrinews.kz tilshisi KTK telearnasyna silteme jasap.
Elordada sharýa qojalyqtarynyń basshylary óz talabyn Aýyl sharýashylyǵy ministrligi basshysyna aitty. Olar jazǵy qurǵaqshylyqtyń áserine tótep berýge kúsh joq ekenin, sheneýnikter tarapynan qoldaý tapshy ekenin málimdedi.
"Sizge qyzmetińizden ketý kerek, al sizdiń ornyńyzǵa halyq úshin jany ashityn jaqsy maman tabý kerek. Renjimeńiz, biraq Mańǵystaýdaǵy halyq ashýly, jumysyńyzǵa qanaǵattanbaidy. Maqsatymyz - aimaqqa jedeldetip qoldaý kórsetý. Qystyń eki aiy ǵana qaldy, kómektesińiz. Eger keiingi jylmen salystyrsaq, Mańǵystaýda maldyń tórtten bir bóligi ǵana qaldy. Qalǵan mal basy óldi nemese Aqtóbe men Oralda satyldy desem, ótirik emes", - dedi ministrge Mańǵystaý oblysynan kelgen fermer Ádilbek Saǵyndyqov.
Sharýalar ólgen maldy qaita sanaýdy talap etti. Olar 1700 dep málimdelgen sandy az dep sanaidy. Jem baǵasyna da shaǵymdandy. Eń qymbat shóp - Mańǵystaý oblysynda. Osylai jalǵasa berse, qysta qalǵan mal óledi.
Sharýalar sheneýnikterden shuǵyl aralasyp, baǵa jaǵdaiyn retteýdi suraidy. Barlyǵy sýbsidiia bar ekenin bile bermeitini belgili boldy. Bilgen kúnniń ózinde kóp qujat jinaý kerek. Fermerler zańǵa ózgerister olardyń pikirlerin eskermesten engizilgeni unamaitynyn aitty.
Aýyl sharýashylyǵy ministrligi ókilderi sharýalardyń keletinin kútpegen. Onyń ústine, ministr otstavkaǵa ketý týraly talapty tyńdaýdy josparlamaǵan. Degenmen syndy tyńdap, retteýge ýáde berdi.
"5 qańtarda depýtattarmen birge komissiia jiberemiz. Qarjylandyrý máselesin Qarjy ministrligimen birge sheshemiz", - dep ýáde berdi Erbol Qarashókeev.
