Nur-Sultan qalasynyń Qoǵamdyq densaýlyq saqtaý basqarmasy basshysynyń orynbasary Áliia Rústemova shahar boiynsha neshe bala, júkti jáne bala emizetin áiel Pfizer vaktsinasyn alatynyn atady, dep habarlaidy QazAqparat tilshisi.
«Qalamyzda 12 jastan 18 jasqa deiingi 110 myń bala bar. Onyń ishinde 63 myńǵa jýyq bala vaktsinalaýǵa jatady. Júkti jáne bala emizetin áielder shamamen 27 myń. Vaktsinatsiiaǵa qarsy júktiliktiń aýyr ótýi, allergiialyq reaktsiia siiaqty kórsetilimder bar. Eger júkti áielderdiń jaǵdaiy múmkindik bermese, túrde vaktsinalaý múmkin emes», - dep túsindirdi Áliia Rústemova.
Onyń aitýynsha, Nur-Sultan qalasynda atalmysh ekpeniń 219 myń dozasyn 115 myń adamǵa salý josparlanǵan. Vaktsinanyń bir qutysy 6 dozaǵa, iaǵni 6 adamǵa eseptelgen.
Basqarma ókilderi bul qos komponentti emes, qarapaiym vaktsina ekenin eske saldy. Biraq eki kezeńge bólinedi, iaǵni olar 21 kún aralyǵymen eki ret salynady. Mamandar balalardy vaktsinalaý úshin ata-analardyń biriniń kelisimin de jetetinin aitty.
«Daýn sindromy bar, tserebraldy sal aýrýy nemese basqa patologiialary bar balalardy vaktsinalaý týraly sheshim dál sol kezdegi balanyń jaǵdaiyna bailanysty qabyldanýy kerek. Eger balanyń jaǵdaiy aýyr bolsa, onda, árine, qarsy kórsetilim degen sóz», - dedi Áliia Rústemova.
Baspasóz týry barysynda spiker vaktsina jatyrdaǵy uryqtyń damýyna áser etýi múmkin be degen suraqqa jaýap berdi.
«Vaktsina týylmaǵan balaǵa uryqqa áser etedi degen zertteý joq. Sondyqtan vaktsina qaýipsiz» - dedi maman.
