Elordanyń monitoringtik toptary kásipkerlik nysandary arasynda karantin talaptaryn buzýshylardy anyqtaý jáne jolyn kesý boiynsha kúsheitilgen, táýlik boiǵy rejimge kóshirildi.
Qala mekemeleri eskertýler men ákimshilik jaýapqa tartylǵanyna qaramastan jumys rejimi, áleýmettik qashyqtyq jáne betperde rejimi sekildi shekteý sharalaryn elemei otyr, dep habarlaidy Nur-Sultan ákimdiginiń resmi saity.
Ótken táýlikte, iaǵni 2 shilde kúni monitoringtik toptar 8 nysanda shekteý sharalary buzylǵanyn anyqtady.
Al Esil aýdanynda ornalasqan «Veranda» meiramhanasy men «Just Smoke» bary ózderine belgilengen ýaqyttan keiin de jumys istedi.
Sondai-aq, Saryarqa aýdanyndaǵy «Dlia Svoih» bary men «Stambýl» kafesi tún ortasynan keiin de jumysyn toqtatqan joq.
Almaty aýdanynda «Aqshauly» meiramhanasynda, «Djentelmen» kinorýmynda, «Local pub» barynda karantin tártibi buzylǵany anyqtaldy.
Tártip buzýshylarǵa qatysty jinalǵan materialdar tiisti sharalar qabyldaý úshin sanitarlyq-epidemiologiia basqarmasyna jiberildi.
Aita keteiik, elordadaǵy epidemiologiialyq jaǵdai áli de turaqsyz. KVI juqtyrǵan naýqastar sany kún sanap ósip keledi. Qaýipti virýstyń odan ári taralýyna jol bermes úshin qala turǵyndary men qonaqtary, sondai-aq kásipkerlik nysandary karantindik sharalar men sanitarlyq normalardy qatań saqtaýy kerek.
