Nur-Sultan qalasynyń ákimi Altai Kólginov LRT qurylysy resmi túrde qaita bastalǵanyn aitty, - dep habarlaidy Tengrinews.kz.
"Qazir qurylys maýsymyna bailanysty jumystar qaita jandandy. Shart burynǵy, olar kelisimsharttarda belgilengen. Bizde qytailyq ta, jergilikti de seriktester bar. Sharttyq mindettemelerge sáikes jumystar júrip jatyr.
Jumys belsendi júrip jatyr dep aita almaimyn. Belsendi jumys qarjynyń túskenine qarai jalǵasady. Qazir konkýrstyq rásimder, bankterdi tańdaý júrip jatyr. Qarjylandyrý kózin anyqtaǵannan keiin jumysty belsendi túrde bastaimyz", - dedi ákim OKQ onlain-brifinginde jýrnalisterdiń suraǵyna jaýapta.
Altai Kólginovtiń aitýynsha, beton nemese qurylys-montajdaý jumystaryn júrgizbes buryn mindetti túrde tehnikalyq saraptama júrgiziledi.
"Bul tehnikalyq qadaǵalaý bóliminiń baqylaýynda. Tehnikalyq qadaǵalaý bar. Mamandar jumys istep jatyr", - dedi ol.
Buǵan deiin Nur-Sultanda LRT jobasy boiynsha qurylys-montajdaý jumystary qaita bastalǵany habarlanǵan bolatyn.
Qytailyq merdiger daiyndyq jumystaryn júrgizip jatqany belgili.
